مي عمر : مستحيل أشتغل مع غادة عبد الرازق بعد اللي شوفته منها 

قالت الفنانة مي عمر:"أرفض مشاركة غادة عبد الرازق بطولة أي عمل فني بسبب خلافها مع زوجي المخرج محمد سامي".

وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"مستحيل أشتغل مع غادة عبد الرازق وخلافنا موضوع قديم".

وأضافت:"لازم يبقى فيه كيميا بين الممثلين علشان يعرفوا يعملوا شغل حلو، ومعتقدش أنا وغادة نعمل شغل حلو علشان كان فيه خلاف قديم وبسببه مش هنشتغل مع بعض".

ولفتت مي عمر:"اتظلمت كتير وكنت بحس بالظلم زمان لما كانوا بيقولوا إن جوزها محمد سامي فرضها على الناس، بس بعد فترة بقيت أحس أن الكلام مبقاش يفرق معايا، واللي قدمني محمد سامي بس بعد أعمال كتير مينفعش نقول أنه فرضني على الناس، وشيء طبيعي ناس تحبني وناس تانية لا".

في نفس اللقاء، علقت الفنانة مي عمر، على صورة الفنانة المعتزلة حلا شيحة، قائلة: "بحبها جدا مكنتش أعرفها زمان واتعرفنا على بعض من 3 سنين ولقيتها طيبة جدا وعلى طبيعتها وده سبب مشاكلها".