ياسمين غيث تتحدث عن رحلة علاجها : الألم لا يحتمل

كشفت الفنانة ياسمين غيث عن تطورات حالتها الصحية بعد خوضعها لعملية جراحية معقدة منذ أسابيع لإزالة ورم، وقالت عارفة إنكم قلقانين عليا، ومش عايزة اتأخر عليكم أكتر من كدة رغم تعبي لسة.

نشرت ياسمين غيث، عبر حسابها الشخصي على موقع الصور والفيديوهات انستجرام صورًا لها من داخل المستشفى، وقالت "مبدئيا ده شكلي معظم الـ5 شهور اللي فاتوا.. من شهر 11 حتى الآن.. الحمد عملت العملية يوم 2/ 6، عملية open chest لإزالة ورم حجمه 8 سم، الحمد لله ألف حمد وشكر طلع حميد، وطلع إنه كتلة من الغدة الدرقية، وده هيحتاج إني أعمل فحوصات وcheck up على الغدة كل 3 شهور".

استكملت ياسمين حديثها قائلة "ده طبعًا غير الـgeneral check up اللي بعمله كل 6 شهور.. الحمد لله على كل حاجة.. عاملة إيه؟ تعبانة.. حاسة بإيه؟.. ألم لا يحتمل في عضمي، في ضلوعي، في أعصابي.. بس كدة؟ لأ.. العملية مكانها صعب والفتح في عضم الصدر ألمه مش طبيعي، بس أي إنسان عادي بيحس بالألم ده بطريقة معينة لكن أنا إيه اللي بيحصل معايا؟".

منشور ياسمين غيث أثار تعاطف عدد كبير من جمهورها ومحبيها على السوشيال ميديا وتمنوا لها الشفاء العاجل حتى تعود لحياتها الطبيعية في أسرع وقت.