مسلم يتعرض لحادث سير.. ويعلق: مش قادر أتكلم وخسرت صوتي

كشف مطرب المهرجانات مسلم، تعرضه لحادث سير، مشيرًا إلى أنه لم يستطع الحديث أو التحرك بسبب تلك الحادثة.

وكتب مسلم، منشورًا عبر خاصية ستوري على حسابه الرسمي بـ انستجرام، معلقًا: لا إله إلا الله يا وجع قلبي على اللي أنا فيه، بجد كل يوم حاجة تعدي عليا وتكسرني.

وأضاف مسلم:  وقوف النقابة من الشغل وقطع رزق وحد أذاني نفسيا، وحادثة أعملها بـ العربية، واديني قايم من نومي مش قادر اتكلم ومش عارف أكلم حد، وده من أني نمت زعلان، حتى صوتي خسرته يارب أنا مليش غيرك تقف جنبي.

من جانبه، كشف محمد عبد الله المتحدث الرسمي باسم نقابة المهن الموسيقية مؤخرًا، أزمة إيقاف مسلم، حيث قال: والدة مسلم في الأول وقعت عقدا مع هاني محروس، والعقد الأول ده كان صحيح لأن مسلم كان عليه واصي اللي هي والدته، وحصل مشاكل بينهم، وتدخل المنتج سلطان الشن وطلب هاني محروس بالتنازل عن العقد بكل الالتزامات كاملة لـ سلطان الشن، وأصبح العقد اللي بتستند إليه النقابة هو العقد اللي بين والدة مسلم وسلطان الشن.