عهد على نفسي.. أول رد من زوجة حسن شاكوش على انتقادات السجود

تصدرت السيدة ريم طارق تريند مؤشرات البحث خلال الساعات الماضية، وذلك بعد ظهورها في حفل الزفاف وهي تسجد امام الحضور فور رؤيتها لحسن شاكوش ببدلة الزفاف.
كانت لقطة سجود زوجة حسن شاكوش في حفل الزفاف أثارت الجدل على مواقع التواصل الاجتماعي، وتعرضت لانتقادات كبيرة من الجمهور.
علقت الإعلامية رضوى الشربيني على هذه اللقطة خلال تقديم برنامجها هي وبس قائلة "حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه". 

 زوجة شاكوش أجرت لقاء تليفزيوني وكشفت خلاله سر سجودها قائلة "أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لإنه عوضني بحسن، هو أحسن واحد في الدنيا في عيوني".
أوضحت ريم طارق أن معرفتها بحسن شاكوش تعود لسنوات ماضية فقالت"إحنا جيران من وإحنا أطفال، وبعدها مشينا من المنطقة ومن 10 سنين ماشوفتوش، وسأل عليا وقال عايز يتجوزني". 
حفل زفاف حسن شاكوش وريم طارق أقيم في واحد من فنادق القاهرة الكبرى، وحضر الحفل عدد كبير من نجوم الغناء أبرزهم تامر حسنى ورامي صبري.