أحمد التهامي: فيلم "تاج" مسروق مني...ومش عارف أوصل لتامر حسني

أثار الفنان أحمد التهامي حالة من الجدل عبر حسابه الشخصي بموقع التواصل الاجتماعي فيسبوك، وذلك بعدما اتهم  الفنان تامر حسني بسرقة فكرة خاصة به واستغلالها في فيلمه الجديد "تاج".
كتب أحمد التهامي منشور قال فيه "أنا سكت كتير عن حقي عشان ما زعلش حد مني أتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني وقولت كل شيء نصيب والحمدلله على حب الناس والدنيا مستوره والحمد لله".
 وأضاف: "إنما توصل إن مشروعي مشروع عمري اللي أنا تعبت فيه في كتابته ولفيت بيه علي معظم شركات الإنتاج ولسه عندي يقين وإيمان بالله إن هيجي يوم وأعمله يتسرق مني ويعمله حد تاني بغض النظر ده فيلمي ومشروعي".

كشف أحمد التهامي أيضا أنه سجل فكرته قبل 10 سنوات من تقديمها في فيلم تامر حسني قائلا: "أنا أول واحد من ١٠ سنين فكرت في فكرة البطل الخارق وطول الفتره دي كان يتسرق أجزاء من الفيلم وأقول عادي، إنما (التوأم الخارق) ده بتاعي ومسجله في المصنفات والشهر العقاري".
أنهى التهامي كلامه برسالة لتامر حسني قال فيها"تامر حسني صاحبي وأخويا وأكيد مايعرفش المعلومة دي أرجو الرساله توصله لأن أكيد في ناس كتير مؤذيه وحسبي الله ونعم الوكيل. أنا حاولت أوصل لتامر حسني ومعرفتش".
تدور أحداث فيلم تاج حول شخصيتين لأخوين توأمين هما تاج وهارون، وتدور الأحداث في إطار من الكوميديا والفانتازيا.
فيلم "تاج" بطولة تامر حسني، بيومي فؤاد، وساندي، وتواصل الشركة المنتجة التعاقد مع باقي الأبطال المشاركين في العمل، والعمل من تأليف تامر حسني، وإخراج سارة وفيق.