ليلى احمد زاهر: هشام جمال سبب نجاحي

نشرت الفنانة الشابة ليلي زاهر عبر حسابها الخاص بموقع الصور والفيديوهات انستجرام صورة جمعتها بالفنان هشام جمال.

علقت أسفل الصورة قائلة "انا طول عمري بقول انك دايما بتكون سبب في أي نجاح نجحته او بنجحه في حياتي بعد ربنا، لكن المشروع ده انا عايزة اشكرك عليه بشكل خاص قدام كل الناس لأني اول ما سمعتك الاغنية عشان اخد رأيك كنت مبسوط وفخور بيا جداً لأنك اول واحد وقفني قدام مايك".

تابعت "أول لما طلبت منك انك تخرجلي الكليب ما ترددتش للحظة رغم انك كنت مشغول قوي ووراك ٣٠٠٠ حاجة ما شاء الله ومع ذلك مقصرتش معايا ولا مع الكليب لحظة و كل حاجة خدت حقها الحمد الله و ده يدل علي انك راجل محترف جداً في الشغل وعلي المستوى الإنساني اخويا و اقرب صديق ليا الي دايماً بيشجعني و في ظهري"

أنهت كلامها قائلة "شكرًا يا هشام علي كل لحظة اديتها للكليب ده من جوه قلبك و الحمدلله الرسالة الفنية الي انت قدمتها في الكليب وصلت لناس كتير الحمدلله شكرًا يا اجدع وانضف اخ في الدنيا وربنا يكرمك يارب في كل اعمالك الجاية و يارب دايماً ناجحه"

يذكر أن ليلي زاهر نشرت عبر قناتها الخاصه بموقع يوتيوب أغنية "كلمة اخيرة " والأغنية هي أولي أعمالها الغنائية والأغنية من كلمات محمد حسن وألحان وتوزيع إسلام زكي.