صفوة: الراقصة بتشغل معاها 40 راجل بشنبات (فيديو)

كدت الراقصة صفوة أن مهنة الرقص صعبة للغاية، كما كشفت عن الأسباب التي دفعتها لاعتزال الرقص في وقت مبكر من حياتها.

 وأضافت صفوة خلال لقائها في برنامج قعدة ستات والذي يعرض على شاشة "القاهرة اليوم": "دخلي من الرقص كان كبير جدًا، وحتى اسم راقصة دي أنا محيته لأني أعتزلت من 14 سنة وأنا مش حابة أن يسبق اسمي اسم الراقصة، وأنا عارفة اللي بقوله ده هيقوم الدنيا عليا".

وتابعت: "وأنا عملت مجهود كبير جدًا، عشان أثبت أني ممثلة قوية، وعلشان أمحي أن يبقى قبل اسمي الراقصة، وده كلام أول مرة أقوله، وكلمة الراقصة في حد ذاتها في المجتمع الشرقي، لا يتم قبولها، وبالرغم أن مهنة الرقص صعبة جدًا، ويكفي أن الراقصة بتشغل معاها 40 راجل بشنبات".

وكانت الراقصة صفوة كشفت في وقت سابق: "فكَّرت في الانتحار بعد مشاركتي في فيلم "هي فوضى"، وكرهت نفسي وكرهت الفن كله".

وتابعت خلال لقاء سابق لها ببرنامج "نص الكلام" الذي تقدمه الإعلامية راغدة شلهوب بقناة "النهار": "أنا مشكلتي مع الناس أني تاريخي الفني اتحصر في فيلم هى فوضى، فالعمل الوحيد اللي أنا غير راضية عنه هو اللي أشاد به الناس".