نيللي ترشح دنيا سمير غانم لتقديم فوازير رمضان

احتفلت الفنانة نيللي بعيد ميلادها مع جمهورها من خلال مداخلة هاتفية أجرتها في برنامج الستات ميعرفوش يكذبوا، ووجهت رسالة شكرت فيها جمهورها ومحبيها على الاهتمام بها.

وجهت نيللي خلال المداخلة نصيحة للسيدات قائلة "بقول لكل الستات لازم نسامح، التسامح بيحقق رضا النفس، والرضا هيخلق السعادة، واننا منبصش للحاجات الوحشة ونبص للحاجات الحلوة عشان نكون سعداء فى حياتنا".

أشادت نيللي بالنجوم الشباب والأجيال الفنية الجديدة، وقالت "أنا بحب الجديد دايما، لأنه حاجة بتدي أمل في الحياة، وبحب دنيا سمير غانم جدا، وهى تقدر تقدم الفوازير لأنها موهوبة".

أما عن إمكانية عودتها للفن مجددا وتقديم أدوار فنية جديدة، فاجأت جمهورها بالرد قائلة "يا بخت من زار وخفف، والله أنا عملت كل حاجة واستمتعت كثيراً بأدواري اللي قدمتها".

وأكدت نيللي أنها تحب تقديم الأدوار الفرعونية ، خاصة وأنها تمتلك رقبة طويلة مثل ملكات الفراعنة.