يسرا: بحمد ربنا إني مخلفتش

تحدثت الفنانة يسرا خلال لقائها في برنامج كلام نواعم عن تجربة الأمومة، وأكدت أنها لا تشعر بالحزن أو الغضب من عدم رزقها بأبناء طوال الفترة الماضية. 
وقالت يسرا "وأنا في التلاتينات كان عندي هاجس أني لازم أبقى أم لأني معطاءة بطبعي كنت هموت وأخلف، وبعدين حصل أني فقدت طفلين في جوازتي الأولى، لما اتجوزت خالد قولتله نخلف ملقتوش مبسوط من الموضوع دا وقال نشوف". 

تابعت يسرا كلامها فيما يخص الأمومة قائلة " قولت مش عاوز يخلف مني وسألته إن كان قلقان أني مكونش أم كويسة قالي أنتي الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة مش هيشوفوا اللي إحنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش". 
الجدير بالذكر أن يسرا تواصل التحضير لمسلسل "حمد الله على السلامة" الذي من المقرر عرضه في موسم رمضان 2023، ويشاركها البطولة شيماء سيف ومايان السيد وعنبة، ومن تأليف محمد ذو الفقار وإخراج عمرو صلاح.