اسعاد يونس تعلن إنتاجها فيلما لمحمد حماقي والفنان يكشف شرط الموافقة

كشف الفنان محمد حماقي، موقفه من خوض تجربة التمثيل، مثلما فعل قبله عمرو دياب وتامر حسني ومصطفى قمر واَخرون.

وقال الفنان محمد حماقي خلال الجزء الثاني من لقائه مع الإعلامية والفنانة إسعاد يونس ببرنامج “صاحبة السعادة” المذاع على قناة “دي إم سي”: "نفسي أمثل، بس انا مش عايز أدخل المجال وخلاص ومش عايز أعمل فيلم تقليدي كما يفعل الآخرون".

وأضاف: "الفكرة التقليدية في تمثيل المطرب مش هاعملها، مش عايز أعمل فكرة صعود نجم غنائي وبعدين يخوض تجربة إنه يحب واحدة والكلام ده".

من جانبها، علقت الفنانة إسعاد يونس: "علشان الجملتين الحلوين اللي انت قلتهم دول أنا هاعمل لك فيلم جامد علشان انت جامد، بجد هاعمل لك الفيلم".

رأس السنة 2023، حل النجم محمد حماقي أمس ضيفًا في برنامج صاحبة السعادة للإعلامية إسعاد يونس، والذي يذاع على قناة DMC، وذلك في سهرة رأس السنة 2023، حيث تحدث عن العديد من الجوانب الشخصية وكواليس مسيرته الفنية، وأمور أخرى، وجاء أبرز ما كشفه حماقي كالتالي:

وأكد محمد حماقي أن الأغنية الشعبية هي التي يفهمها أكبر شريحة من الشعب، قائلًا: "أنا بغني شعبي بتاعي مش زي حد تاني مثل أغنيتي أدرينالين واللي اتقدمت بشكل شعبي بس في غلاف محمد حماقي مش حد تاني".

وقال محمد حماقي: "هناك شعرة ما بين التغيير والتغير أنا عايز أبقى من مكاني بقدم شيء مختلف مش عايز أبقى واقف في حته تانية فالناس تستغربني والدنيا تبوظ".

وتابع: "كل واحد عنده شخصية فنية لازم يحافظ عليها أنت زي ما أنت بطعم وشكل جديد مش واحد تاني ودي شعرة لازم الفنان يكون واخد باله منها كويس جدًّا".