زيزي عادل: ستار أكاديمي لا يناسب مجتمعنا.. مرايات الحمامات كان فيها كاميرات

أعنلت  الفنانة المعتزلة زيزي عادل خلال لقائها في برنامج اخر كلام مع الإعلامية ياسمين عز الذي يعرض عبر قناة أم بي سي مصر عن مدي ندمها في المشاركه ببرنامج ستار أكاديمي.  

بدأت زيزي عادل قائلة لو رجع بيا الزمن أكيد مكنتش هروح برنامج ستار أكاديمي، بعد تغير طريقة تفكيري وتقربي من ربنا وكل اللي بيحصلي ده يخليني أقول إن كان فيه حاجات كتير مكنش المفروض أعملها، ولكن أنا من الناس اللي مبتندمش وبشوف إن كل حاجة حصلت في حياتي ليها ترتيب وكل حاجة ليها أسباب.

أوضحت زيزي أن السبب في شهرتها ستار أكاديمي قائلة "تجربتي في ستار أكاديمي كانت هي بداية النجاح والانطلاقة، عدت من البرنامج مشهورة مع إني مكنش عندي أغنية ولا أي حاجة، ولكن كنت مشهورة كأني نجمة بقالي 10 سنين بغني، ولقيت عروض من شركات إنتاج كبيرة، ولما رجعت مصر مصدقتش عدد الناس اللي كانوا جايين يستقبلوني، لأن أنا قعدت هناك 4 شهور مفيش تليفزيون ومكنتش عارفة أنا معروفة برا ولا لأ، ولا أعرف كان بيتكتب عني أخبار ولا لأ ولما رجعت في صدمة بتحصل كده إني مشهورة والدنيا بتختلف".

صرحت زيزي عادل عن وجود تجاوزت في برنامج ستار أكاديمي قائلة فكرة برنامج ستار أكاديمي لا تناسب تقاليد المجتمع، كان فيه كاميرات في كل مكان، حتى الحمامات كان فيها كاميرات عند المرايات، والموضوع ده كان بيضايق.