ماس كهربائي يلتهم شقة مطربة شهيرة

كشفت المطربة ياسمين على عن حدوث ماس كهربائي بشقتها، وأعلنت لجمهورها تفاصيل هذه الواقعة عبر حسابها الشخصي على موقع التواصل الاجتماعي فيس بوك.
وكتبت ياسمين على منشور قالت فيه " مابحبش الطاقة السلبية والله بس اعمل ايه طيب..هاحكيلكم حاجة صغننة إمبارح الساعه 2 بليل من العادة ببقي قاعدة مع بابا وماما ويحيي  بنتفرج عالتليفزيون قمت عشان أروح أوضتي انام".

وتابعت "دخلت الاوضه قعدت دقيقه شامه ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي حاقوله، لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه،  كل ده ف لحظات ".
وعن سبب هذه الواقعة الغريبة قالت "الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي لو ماكنتش دخلت الاوضه ف التوقيت اللي روحت فيه الله اعلم كان حصل ايه".
تفاعل محبي ياسمين على مع منشورها وكانوا حريصين على الاطمئنان على وضعها الصحي وسلامة أسرتها.