أحن وأحسن أب في الدنيا.. اسما شريف منير تكشف حقيقة عودتها لطليقها 

نشرت أسما شريف منير عبر حسابها الخاص بموقع الصور والفيديوهات انستجرام مجموعة من الصور التي جمعتها مع ابنتها ووالد ابنتها محمود السكري. 
علقت أسما أسفل الصور قائلة الفيديو اللي في سلايد رقم ٣ (لارا) آخر واحدة فوق خالص لبسه لبس سانتا .. وده كان رد فعلها وطاقتها أول ما شافتني أنا وبباها وعشان كده بكتب البوست ده 
تابعت أسما كلامها لتوعيه الأباء المنفصلين قائلة كل مرة بنفهم اكتر عن نفسية بنتنا و التغيرات اللي بتعدي بيها و كل مرة بنتحد فيها او بنكون موجودين في اهم لحظات حياتها بنشوف قد ايه بتكون سعيده من قلبها و نفسيتها مرتاحة و دي اكتر حاجة بتفرقلها، اكتر من الهدايا و اللبس و اللعب. 
تابعت وشهاده ابو بنتي انه بيكون متواجد في كل حفلات المدرسه و كل مناسبة تخصها مش بيعمل زي رجاله كتير و سيبها عاليا، الأب مش دوره بس انه جيب فلوس، كل حاجة الأب بيشارك فيها بتقرب الطفل خطوة ل نفسيه سويه اكتر رغم ان الظروف مش عاديه، مش اب و ام عايشين تحت سقف واحد، بس يمكن نكون اقرب من اللي عايشن مع بعض، عشان بنحترم بعض و بنحترم مشاعر بنتنا و بنسمع لها بجد 
ووجهت رسالة لابو ابنتها قائلة شكراً يا سكري لانك حقيقي احن و احسن اب في الدنيا و هتفضل طول عمرك صديق عمري و ابو بنتي لاخر يوم في العمر.