زوجة رامي جمال تكشف تفاصيل جديدة عن مرضه

نشرت ناريمان زوجة رامي جمال عبر حسابها الخاص بموقع الصور والفيديوهات انستجرام فيديو لزوجها رامي جمال من خلال لقائه في أحد البرامج وهو يكشف تفاصيل مرضه بالبهاق.
علقت ناريمان أسفل الفيديو قائلة يا حبيبى ربنا يعافيك ويعفو عنك وعن كل مريض يارب انا فاكره الموقف دا كويس جدا وفاكره كمان لما بدأ يزيد وكنت بتبقى مضايق من شكل ايدك وانا كنت بفضل اعده مسكاها طول الوقت علشان متبصش عليها وانهم كانوا بيتريقوا علينا انى ماسكه ايدك طول الوقت.
أضافت ناريمان تفاصيل عند اكتشافهم المرض قائلة "وفاكره كمان كذا موقف حصل خلاك تقرر تتكلم عن الموضوع علشان ساعتها الناس كانت متخيله انه لسه جايلك لا هوا انت اعلنت بعدها بحوالى ٣ سنين او حاجه لانه انا فاكره جالك قبل ما نتجوز بشويه كمان مش قبلها على طول بس انا اتعلمت منك ف الفتره دى الرضا وشفت بعدين اد ايه ربنا بيحبك ومحبب فيك خلقه".
تفاعل عدد كبير من متابعي ناريمان مع هذا الفيديو ونال إعجاب عدد كبير من جمهور الفنان رامي جمال وأضافوا له العديد من التعلقيات التي تمنوا له الصحه والسعاده دائما.