فريال يوسف تكشف لأول مرة تفاصيل انفصالها بعد كتب الكتاب مباشرة |فيديو

قالت الفنانة فريال يوسف:"بعد كتب كتابي فركشت علطول لأن مكنش ينفع أكمل في الزيجة دي والموضوع ده مكنش له علاقة بالخيانة".

وأضافت خلال لقائها ببرنامج "الستات" الذي تقدمه الإعلامية مفيدة شيحة بقناة "النهار":"كتب الكتاب كان سريع ومكنش فيه فترة تعارف وكنت مشغولة بمسلسل خاتم سليمان، ولما الشخص طلب ايدي وافقت ولما عرفته على حقيقته بعد عقد القران فقررت مكملش معاه".

ولفتت فريال يوسف:"ندمت علي قرار ارتباطي بالشخص ده لإنه مكنش ثابت علي القيم اللى بيتكلم عنها، وكذب عليا في معلومات خاصة به، ولما ركزت معاه حسيت ان فيه حاجة مش مظبوطة ولما سألت عنه جاتلي ردود صادمة فكان مهما بالنسبة لي أفركش ومكملش الزيجة دي".

وأكملت:"خلصت تصوير مسلسل خاتم سليمان 29 رمضان، ويوم الوقفة سافرت بلدي وبعدها علطول كتبنا الكتاب، ولما اكتشفت كذبه واني مش هاعرف اكمل معاه قررت الانفصال لإني محستش إنه ممكن يبقى زوج ليا وأب لأولادي".

ولفتت:"ماما اتخانقت معايا في التليفون وفضلت شهر متكلمنيش وقالت لي انتى من عمرك 18 سنة والرجالة بتطلب ايدك وانت مش بتوافقي ايه الموضوع وهي عايزة تفرح بيا، ولكن الفكر بتاعي اني عايزة توأم روحي والرجل الأصلح اني اكمل معاه بقية حياتي واحنا معندناش فكرة الطلاق في العيلة، وعايزة الاقي الشخص اللى يستاهل قلبي واستاهله واشيله علي راسي".