فريال يوسف تلعن عن تعاطيها أدوية كتير خطر |فيديو

قالت الفنانة فريال يوسف:"أخدت أدوية كتير خطر على الكبد علشان خلال فترة مشاركتي في فيلم "محمد حسين".

وتابعت خلال لقائها ببرنامج"الستات" الذي تقدمه الاعلامية مفيدة شيحة بقناة "النهار": "كنت موقعة عقد فيلم "محمد حسين" وباخد جرعات يومية أدوية وحقن ومسكنات ممكن تبقى خطر على الكبد والكلى، علشان أعرف أفرد نفسي، ومع أن المنتج عارف اني تعبان وكان بيدخل اوضتي يشوفني وانا بعيط بس تجاهلها".

ولفتت فريال يوسف: "كان عندي مشكلة في العظام والموضوع تطلب اني اسافر اتعالج برة علي يد دكتور عظام اسمه مولر وقال لي لو عملنا عملية الآلام ممكن ترجع أشد وتعيشي بيها طول عمرك، وفيه حقن باخدها في العمود الفقري مع العلاج الطبيعي كل أسبوع".

وأضافت: "فترة علاجي في المستشفى مقولتش لأبويا وأمي، وفترة المرض كنت باخد المخدرات اللى في الجدول، وكنت في عالم تاني بسبب شدة الألم، ومكلمتش أي حد في فترة مرضى لإني مش بحب اتعب حد معايا، واللى كان معايا في فترة المرض صيدلي وزوجته وممثلة تونسية سمعت صدفة اني بتعالج في المستشفى، ومكنتش واعية بنفسي ومش بحب اشيل الناس همي، ومش بحب اتاجر بمرضي".