حنان شوقي: أقدس الزواج ولازم أبوس إيد زوجي قبل ما ينام

أعلنت الفنانة حنان شوقي خلال لقائها في برنامح كلام ناس مع الإعلامية ياسمين عز الذي يعرض عبر قناة أم بي سي مصر عن معني الزواج بالنسبة لها.

صرحت حنان شوقي أن الزواج حالة مقدسه فقالت "أنا أقدس الزواج لإن فيه كل أسماء الله الحسنى، الود من اسم الودود، والرحمة من اسم الرحمن، والحنان من اسم الحنّان المنان، واسم الخالق لإن الزوجين بيخلقوا كيان على الأرض، واسم الواحد لإن الرجل وزوجته لا ينفصلوا".

أوضحت حنان شوقي علاقتها بزوجها قائلة أنا طبيعتي لازم أبوس إيد زوجي قبل ما ينام وأسأله إنت مش عايز حاجة مني، ولازم أكون صافية وأنا بتكلم معاه، مش كل واحد شايل سكينة للتاني ورا ظهره.

ردت حنان شوقي عن هل تعيش حاله حب فقالت أنا كتلة حب متحركة على الأرض، لكن الحب الحقيقي، ولما يكون قلبي ساكن فيه المولى عز وجل وسيدنا النبي أقدر أحس إذا كانت كلمة بحبك صادقة أو كاذبة

تابعت كلامها عايزة الحب الحقيقي، عشان لما أعجز وهو يبقى عجوز نفضل نحب بعض، زي ما بنشوف الرومانسية والاحتواء في الأفلام الأجنبية

أعلنت حنان شوقي عن مدي غضبها بسبب انتشار مشهد لها مع الزعيم عادل إمام من فيلم الإرهابي فقالت الناس سابوا كل حاجة في الفيلم، وركزوا على مشهد الكوتشينة والشورت الأصفر، نفوس مريضة.