طليق هالة صدقي: جابت شهود زور.. واتحكم عليا بأكبر نفقة في التاريخ

كشف سامح سامي طليق الفنانة هالة صدقي أنه هو الذي قام برفع دعوى الطلاق وأنها حصلت على حكم بالنفقة رغم عدم تقديمها مايثبت صحة كلامها.

حيث  قال فى أحد البرامج التليفزيونية: أنا من قام برفع  دعوى طلاق على هالة صدقي وهي  طلبت تكون الولاية التعليمية معها.. وبعدها بأسبوع رفعت دعوى نفقة بأرقام فلكية ومقدمتش ولا مستند حقيقي للمحكمة وجابت 2 شهود زور وأنا أخدت أعلى حكم نفقة في العصر القديم والمعاصر.. 40 ألف جنيهًا شهريًا لكل طفل.. أي قرابة المليون و200 ألف جنيه كل عام.

وكانت الفنانة هالة صدقي اعربت عن سعادتها بعد طلاقها رسميا، وقالت: "المساعدة بتاعتي هي اللى زغردت مش أنا، بعد طلاقي رسميا بعد معاناة سنوات".

وأضافت خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “mbc مصر”: "أنا معنديش أي مشاعر ولا إحساس، والطلاق بالنسبة لي كان إجراءات ورق ولكن الانفصال تم من 8 سنين".

ولفتت: "قعدت سنتين أو 3 سنوات مش مستوعبة اللى كان بيحصلي، ولكن أنا فرحت بجد بعد انتهاء طلاقي بشكل رسمي".

وتابعت: "حاولت بكل الوسائل تغيير ملة وفشلت وهو غير ملة وساعدني إن الطلاق يحصل والطلاق حصل لما هو غير ملته، وأنا اطلقت طبقا للشريعة الإسلامية بعد تغيير طليقي ملته، لسه محصلش الطلاق الكنسي بس أنا مش همشي في السكة دي، وأنا دلوقتي ليا الحق إني اتجوز كنسي بعد تغيير طليقي ملته، بس أنا مش هاتجوز تاني".