ابنة هند رستم: علاقتها بزوجها كانت شبه "أمينة وسي السيد"

أعلنت بسنت رضا ابنة الفنانة الراحلة هند رستم خلال لقائها في برنامج معكم مني الشاذلي مع الإعلامية مني الشاذلي الذي يعرض عبر قناة سي بي سي عن ذكرياتها مع والدتها، وتفاصيل شخصيتها بعيدا عن الأضواء والشهرة.

أوضحت بسنت رضا أن الفنانة الراحلة هند رستم لم تحب لقب ملكة الإغراء الذي أطلقه عليها الإعلامي مفيد فوزي قائلة "مكنتش بتحب لقب ملكة الإغراء اللي اداهولها مفيد فوزي وزعلت أوي منه، وقالت له انت كده حددتني في دور واحد، رغم إنها قدمت أعمال تانية مفيهاش إغراء، وإنها في حياتها الشخصية ست عادية للغاية".

أعلنت بسنت عن سبب اعتزال والدتها الفن قائلة "اللي شجعها على الاعتزال إني لما خلفت وجبت ابني كانت هي مبسوطة بالأسرة، دي واحدة اشتغلت من وهي 15 سنة، فقالت اعوض السنين اللي فاتت كلها مع بنتي وحفيدي، وساعدها في القرار ده إن السينما وقتها مش زي الأول".

صرحت بسنت رضا عن علاقة والدتها بزوجها الدكتور محمد فياض طبيب أمراض النسا قائلة في البيت ماما كانت زي أمينة ودكتور فياض سي السيد، كانوا بيحبوا بعض جدا مع إنهم اتجوزوا جواز صالونات عادي، بس قعدوا 50 سنة مع بعض.

أضافت قائلة يعني كان أونكل فياض يرجع من الشغل مثلا الساعة 4 يبقى فورا مفيش صوت في البيت ولا دوشة وأوامره مجابة وهكذا، الكابل ده كان حلو أوي أوي مع بعض.