ميار الببلاوي في رسالة للجمهور: جالي اكتئاب وابني مضايق جدًا

وجهت الفنانة ميار الببلاوي رسالة للجمهور ومحبيها عبر السوشيال ميديا، وذلك بعدما تصدر اسمها التريند حول تصريحاتها في لقاء عن مشاهدها الجريئة.

قالت ميار في رسالتها "أنا مش هدافع عن نفسى ومش هقول إنى  صح.. بس ربنا شاهد إنى بتكلم بعفوية ومبعرفش أتخابث ولا قصدى أى إساءة لأى حد من زملائى اللى بحبهم وبقدرهم  وبعتز بأى عمل شاركتهم فيه طوال السنين اللى فاتت، وأنا لا عاوزه أجيب سيرة الفيلم ولا المشهد ولا يشرفنى، ونفسى أنسى والناس تنسى بس معرفش ليه بعد 25 سنة بينبشوا في الماضى".

وتابعت قائلة "في فنانات عاملين مئات الأفلام وفيها مشاهد نسأل الله المغفرة،اشمعنا ميار اللى لازم تترِجم وتتبهدل وكل اللى عاوز يعمل شو يبقى عليا.. أنا برفض كل يوم مقابلات فى برامج لكن مروه صبري اخت زميلتى عبير.. وبحبهم هما الاثنينغير كده أنا حرّمت أى مقابلة غير لما اعرف طبيعة الاسئلة وهركز فى كل كلمة ومش هذكر أسماء ولا مواقف بس الصحفيين واليوتيوبرز يرحمونى من العناوين".

كانت ميار الببلاوي تصدرت التريند خلال الأيام الماضية بسبب تصريحاتها عن فيلمها ديسكو ديسكو والمشاهد الجريئة التي قدمتها في هذا العمل.