بسمة وهبة تتحدث عن أزمة شيرين وتكشف تفاصيل صادمة

قالت الإعلامية بسمة وهبة أن أزمة الفنانة شيرين عبد الوهاب هي في المهدئات والحبوب المنومة التي تتناولها.

ولفتت في حديث لـ et بالعربي إلى أنه "أنا مش بحب أحكي، ومش بحب انشر علاقاتي بالناس، شيرين عندي ليها فويس نوتس كتير، عشان كنت أنزلها لها في البرنامج وأنا مارضتش، ومرضيتش أعمل ده كذا مرة، لأنه مش هيضيف ليها، هو هيضيف ليا أنا، ليه بقى؟، لإن شيرين مجني عليها، ضحية، وهي طيبة جدا".

حسام مش زي ما الناس فاكرة خالص، ولو حسام يسمح لي أتكلم، أنا عارفه قصة حسام، هو في إيه بالظبط، بس أنا ما أقدرش أتكلم لأني ما اخدتش أذنه، هو ممكن يكون عنده شئ، ممكن بيخليه يتصرف تصرفات تزعل شيرين أوقات، أو بعض من الوقت، ولكن حسام مش مدمن ولا بيتعاطى".

وأضافت:" شيرين لازم تبعد فترة عن مصر كلها، علشان تستنشق هواء جديد، تعيش في بلد سنة، شيرين مشكلتها المهدئات والمنومات اللي كانت بتاخدها، أنا ما شفتش من شيرين حاجة أكتر من كدا، أنا ماليش دعوة بالكلام اللي الناس بتقوله".

بسمة وهبىة: شيرين محتاجة تعيد حساباتها

واستكملت: "شيرين محتاجة إنها تعيد حسابات، وتخف، وتاخد قراراتها بنفسها، هي عندها حالة من الخوف، بتخليها دايما تحس إنها عايزه حد جنبها، سواء صديقة أو مديرة أعمال، أو زوج، أو أخ، كل بني آدم يبقى لازم عنده نفسه هي اللي تبقى قوية، دي مشكلة شيرين، طول الوقت عايزة، عكاز، هي مسكينة وضحية".