قصة صورة دنيا سمير غانم مع ماما نوال على انستجرام

نشرت الفنانة دنيا سمير غانم عبر حسابها الخاص بموقع الصور والفيديوهات انستجرام مجموعة من الصور مع  الدكتورة نوال الدجوى من عرض مسرحية “أنستونا”.

علقت دنيا سمير غانم أسفل الصور قائلة "الصور دي من أهم الصور المعبرة في حياتي .. ‎لإني متصورة مع الأم و الأستاذة المربية الفاضلة د/نوال الدجوي أو زي ما اتعودنا نقول لها ماما نوال".

أعلنت دنيا سمير غانم مدي سعادتها من دراستها مع الدكتورة نوال قائلة "أنا فخورة إني متخرجة من مدرسة "دار التربية “ و جامعة “MSA” اللي حضرتك بكل تفاني بذلتي مجهود كبير في انهم يكونوا مكان جميل مش بس للتعليم و التربية و لكن لإكتشاف المواهب".  

 تابعت دنيا كلامها قائلة لما كنت في أولي حضانة مدرستي هي اللي اكتشفت إني بعرف أغني و كانوا كل مدرسين الموسيقي مهتمين انهم يخلوني أغني كل سنة في حفلة المدرسة و كانوا بابي ومامي بييجوا و يتفرجوا عليا و كانت دي من أجمل ذكرياتي اللي استرجعتها امبارح لما كنتي حضرتك بتتفرجي عليا وانا بمثل علي المسرح و جملة حضرتك ليا بعد العرض "انت هتخليني أهتم أكتر بالمواهب الصغيرة في المدرسة عشان يكونوا زيك".

أضافت كلامها قائلة انا بشكرك جدا علي كل حاجة زرعتيها فيا من زمان بطريقة مباشرة او غير مباشرة،‎ حضرتك و الأم الثانية لينا ميس مني الدجوي رمز للرقي و الشياكة و صديقتي و زميلتي إنجي منصور ‎حقيقي نورتوني و أثرتوا فيا أوي و بحبكوا اوي

الجدير بالذكر أن دنيا سمير غانم تقوم الآن بعرض مسرحية أنستونا، وحرص عدد كبير من نجوم الفن على تهنأتها ودعمها.