بحب مراتي تكون حلوة وتلبس اللي هي عايزاه وهذه قصة مسلسل العمدة.. أبرز تصريحات محمد سامي

كشف المخرج محمد سامي، بعض التفاصيل، حول مسلسل جعفر العمدة، بطولة الفنان محمد رمضان، والمقرر طرحه في الموسم الرمضاني المقبل 2023، بجانب كشفه العديد من أسرار حياته، والنصيحة التي وجهها له الهضبة عمرو دياب.

وتحدث سامي عن هذا الأمر، خلال حلوله ضيفًا في برنامج أنا سعيد.. ونستعرض لكم أبرز تصريحاته خلال هذا اللقاء:

ـ لو مراتك قبلت إنك أنت تخونها.. أنت كمان أقبل أنها تخونك.

ـ لو جوزك مقشف دي حاجة تضايقك أكتر من أنه بيخونك.

ـ كنت أتمنى إخراج فيلم السفارة في العمارة بسبب وجود عادل إمام.

ـ كان نفسي اشتغل مع الفنانة عبلة كامل وماري منيب.

ـ تسريب مشهد الانتقام في مسلسل البرنس كان بسبب واحد حبيّب.

ـ فيه ناس بتستخدم السوشيال ميديا علشان تنفخ في مسلسلات مفيش غير 4 في العمارة شافوها.

ـ بحب مراتي تكون حلوة وتلبس اللي هي عايزاه، وأحب لما أخرج معاها تكون حلوة.. هعيش كام سنة يعني.. هي كمان كدا أنا مشتريتهاش، بس بغير عليها في كل لحظة.. لو بتتكلم مع حد حتى بغير عليها.

ـ مسلسل العمدة تدور أحداثه في حي السيدة زينب، ورمضان متجوز فيه من 4 سيدات، وعنده مشكلة مؤلمة من 20 سنة.. ابنه اتخطف، وحتى الآن مش عارف أنه عايش ولا ميت، وبيدور عليه، ومفهم زوجته أنه لقى الولد زمان ومات، وبياخدها بيروحوا القبر ويقرأ له الفاتحة، رغم أنه عارف أن ابنه مش جوا، وطول المسلسل بيدور عليه لحد ما يلاقيه.

ـ عمرو دياب نصحني أوحش حاجة أنك تكون شغال 11 شهر في السنة على الدعاية والسوشيال ميديا، وشهر واحد بس تشتغله على المحتوى، مع إنك هتكون أجمد بكتير لو اشتغلت 11 شهر على المحتوى وشهر واحد بس دعاية.

ـ مهندس الصوت ومدير التصوير من حقهم يقولوا استوب في اللوكيشن، لكن الممثل لأ.