شقيق شيرين عبد الوهاب: أختي بتتعرض لعصابة حاطين لها أجهزة تجسس على الموبايل

تحدث محمد عبد الوهاب، باكيًا أثناء الحديث عن أزمة شقيقته الفنانة شيرين عبد الوهاب، مؤكدًا أنها تتعرض لـ عصابة وأن طليقها الفنان حسام حبيب يعمل على تدميرها على حد قوله.

وقال  محمد عبد الوهاب شقيق شيرين عبد الوهاب، في تصريحات تلفزيونية: أختي بتتعرض لـ عصابة حاطين برنامج تجسس على الموبايل، وواحدة صاحبها جابتلها شيخة، والشيخة دي بتاخد آلافات، وأنا مش هسيب أختي غير لما أرجعها لـ جمهورها وأهلها، لازم تقفوا جنبنا، الولد ده عنده وسايط وبيهددنا، وياسر قنطوش رفع عليا قضية امبارح وأنا مدخل أختي المستشفى بقالي 3 أيام، فين نقابة المحامين يقولوا إنت مين قالك ترفع القضية دي؟ دي عصابة.

وأكد شقيق شيرين عبد الوهاب، أنه لم يعتدِ عليها بالضرب كما أُشيع خلال الساعات الماضية، قائلًا: والله الحكاية معقدة، أنا دلوقتي أختي بتتعرض لـ عصابة حسام حبيب وسارة الطباخ، أختي بتضيع وبتنهار، أنا مضربتهاش ولا اعتديت عليها.

وتابع شقيق شيرين عبد الوهاب: الأستاذ حسام حبيب رجع لـ شيرين من حوالي أسبوع، جابولها العربية بتوكيل وهي اتنازلت عن القواضي وهو متنازلش وضحكوا عليها، ورجعوا لبعض وبيتكلموا على الواتساب، وهي لسة مأجرة شقة في التجمع هي دي الشقة اللي جبتها منها، لأنهم بيتعاطوا مخدرات حسام وشيرين، والنيابة العامة بتحقق مع المستشفى اللي شيرين فيها وهما اللي فضحوها، أنا مضربتهاش، وموضوع المخدرات بقاله كتير، وماما هي اللي كانت بتخليني أسكت، وباست على رجلي وقالتلي انقذ أختك من حسام.