ياسمين عز بعد تصريحاتها المثيرة للجدل: عمري ما هنام شايلة ذنب إني قومتك على جوزك

تصدر اسم الإعلامية ياسمين عز الترند خلال الأيام الماضية بسبب تصريحاتها المثيرة للجدل مما دفع ياسمين عز للرد علي هذة الانتقادات.

أكدت ياسمين عز من خلال برنامجها كلام ناس الذي يعرض علي قناة أم بي سي مصر في حلقة اليوم أنها تدعو من خلال نصائحها للمرأة إلى السكينة والتقدير بين الزوجين.

قالت ياسمين عز نصا "الحمد والشكر لله بنام وضميري مرتاح وفي حالة سكينة، لإني بدعو للسكينة والتقدير والمودة والاحترام، وإن البيت يفضل عامر بيكم".

تابعت ياسمين عز كلامها قائلة "عمري ما هنام وأنا شايلة ذنب إني سخنتك وقومتك على جوزك وخربت بيتك بكلامي وأنا عايشة حياتي بالطول والعرض، ويا رب بيوتكم كلها تكون عمرانة بالحب، ويرزق كل راجل بست تستحمله وتشيله في عينيها".

صرحت ياسمين عز عن علاقتها بالرجل في البيت قائلة عايزة أقول حاجة للبنات الصغيرة اللي بتتفرج علينا وشايفة إننا واخدين كل حاجة شغل وفلوس وشهرة، وفوق كل ده بنمشي الرجالة زي ما إحنا عايزين. ده مش حقيقي، إحنا في بيوتنا زيك بالظبط، بنقول حاضر ونعم بالأصول زي ما شوفنا أهلنا بيتعاملوا مع بعض.

الجدير بالذكر أن تعرضت ياسمين عز للانتقادات وذلك بسبب نصائحها الأخيرة للمرأة، ومنها عدم مطالبة زوجها بخلع حذائه قبل المشي على السجادة في البيت لأنه اشتراها بماله.