بعد اعلانها عن تعرضها للتحرش من رجل مسن.. اسرار في حياة ريهام عبد الغفور الخاصة

احتلت الفنانة ريهام عبد الغفور مؤشرات بحث جوجل عربيًا وصدارة مختلف تريندات السوشيال ميديا وبالأخص موقع “فيس بوك”على مدار الأيام الماضية، وذلك على خلفية كشفها لحدث تحرش بشع من رجل مسن فى طفولتها.

وبعد تصدرها التريند العربي.. نرصد خلال السطور التالية أسرار من حياة الفنانة ريهام عبد الغفور:

تزوجت ريهام عبد الغفور في عام 2007 وكان زوجها من خارج الوسط الفني، أنجبت ابنها الأول يوسف، لم يستمر هذا الزواج كثيرًا وانتهى بالطلاق، وفي عام 2010 تزوجت من رجل الأعمال المصري الألماني شريف الشوبكي وأنجبت منه ابنهما فاروق.

تصريحات ريهام عبد الغفور

وكانت قد قالت الفنانة ريهام عبد الغفور إذ قالت مؤخرًا في إحدى اللقاءات التليفزيونية: تعرضت للتحرش من شخص كان فى عمر جدي وكنت أنا موصلتش لسه الست سنوات.

وتابعت: أنا بتكلم في النقطة دي، لإن قعدت 40 سنة أو حاجة وتلاتين سنة، شايلة، فجأة قررت اتكلم فيها مع جوزي، فالحمد لله خفيت منها عشان كده بحكيها، وكنت وقتها 6 أو 7 سنين، وتعرفت على إحساس الشماتة وأنا في السن ده، لما تقال إن الشخص ده مات فرحت، مش الطبيعي أن طفل في السن يفرح أن حد يموت، وكانت أول وآخر مرة في حياتي أحس بالشماتة دي، لإن هو كان شخص غليظ وأذاني، وأنا كنت جبانة أكتر من إني أحكي، كنت لما بشوفه بنزل استخبى تحت السفرة، ومش عارفة أقول اللي حصل.

وأوضحت: هو كان تحرش على خفيف كده، الموضوع مش في عمق الموضوع، قد ما هو الصدمة في الشخص، قد لما يكون عندك حد سنه كبير، مش عيل صغير مش شاب، حد كبير  ويعمل كده في الأمان، ويخضك خضة، وأنا قعدت سنين مش بتكلم فيه مع نفسي، لإنه مرعب بالنسبالي.