تامر حسني يحذر جمهوره: محدش يروح يعمل مقابلات في أي مكتب تمثيل يحمل اسمي

حذر الفنان  تامر حسني، جمهوره ومتابعيه من عدم إجراء أي مقابلات شخصية في أي مكتب تمثيل تحت اسمه، وجاء ذلك بعد إعلانه حاجته لأطفال تشارك في أحدث أفلامه قريبًا.

وكتب تامر حسني، منشورًا عبر حسابه الشخصي بموقع التواصل الاجتماعي فيسبوك، حيث قال: بالنسبة للمواهب اللي طلبتها محدش يروح يعمل أي مقابلات في أي مكتب بإسمي، أنا طلبت فيديوهات فقط والفيديوهات بتجيلي كل يوم، محدش يروح أي مشوار لأي مكتب تحت اسمي لأن اللي هيتم اختيارهم للمقابلة هتكلمهم مخرجة الفيلم أستاذة سارة وفيق بشكل مباشر.

وتابع تامر حسني: أي مكتب عايز يرشح حد بيبعتلي فيديو بيعرض موهبته، يعني محدش يصدق أي حد يقوله تعالى عشان هتقابل تامر أو المخرجة تاني.. الأستاذة سارة هتكلم اللي اختارتهم بنفسها عشان يحضروا المقابلة الأولى.

وكان أعرب تامر حسني مؤخرًا عن استيائه وحزنه الشديد من انتشار ظاهرة عدم الاهتمام بالأهالي بشكل سليم، وكتب منشورًا عبر حسابه بـ موقع انستجرام، معلقًا: جمعة مباركة على الجميع يا رب، ناس كتير بيتمنوا المكالمة اللي فوق دي، أو من أي حد عزيز مش موجود، يا ريت نحب أهالينا ونهتم بيهم بأكبر قدر ممكن في حياتنا، هما السبب في وجودنا، هما اللي ياما حرموا نفسهم من حجات كتير عشانا.