حبس الفنان القدير عبد الرحمن أبو زهرة، دموعه، أثناء تذكره وفاة زوجته، قائلة: "الله يرحمها مشوفتش حد زيها، استحملتني 50 سنة وانا عصبي أوي قدام الحق ولساني ميسكتش".
وقال خلال لقائه ببرنامج "90 دقيقة" المذاع علي قناة "المحور":"لغاية النهاردة لما افتكر مراتي اعيط كما لو كانت ماتت امبارح وهي متوفية من سنتين".
وأضاف: "بحب مراتي لحد النهاردة اكتر من قبل وفاتها لأني كل يوم باكتشف قد ايه تحملها لعصبيتي وظروفي لمدة 50 سنة، وانا برج الحوت وكنت اتخانق معاها وفجأة أقول لها يا سوسو يلعن أبو اللى يكرهك، وكانت تقولي يا لوزة وانا صغير".
وتابع: "علاقتي بأولادي سحر ومي وأحمد طيبة جدا وهما بيحبوني حب لا حدود له وخصوصا أحمد وشايل همي بشكل غير طبيعي".
ولفت: "احمد ابني وهو صغير قاللى انا عايز أمثل وقتها اخدته المدرسة وقلت له اوعي تمثل"
أضف تعليقا