الراقصة هندية: أخويا تبرأ مني بسبب الرقص ولما اتزنق في فلوس لجأ لي ونصب عليا | فيديو 

قالت الفنانة والراقصة هندية: "أخويا اللي تُوفي من 4 سنين كان مقاطعني ومخاصمني وتبرأ مني علشان كنت شغالة رقاصة، وبعد لما اعتزلت الفن رجعلي وبقى حبيبي أوي وكنا نتواصل علطول وعلاقتنا كانت قوية ببعض قبل وفاته".

وتابعت خلال لقائها ببرنامج "تقدر مع الغيطي" الذي يقدمه الإعلامي محمد الغيطي بقناة "الشمس": "أخويا اللي كان مخاصمني بعد اعتزال الفن رجعت له بحب وود شديدين جدًّا وبعدين فجأة لقيته بيقولي أختي أنا مزنوق في 50 ألف جنيه علشان أدفعهم مقدم لشقة لابنه، وأنا بشتغل رقاصة كان ضدي وبيقول فلوسك حرام ولما احتاجني قاللى فلوسك حلال ودي الشيزوفرينيا، فقلت له مش معايا سيولة لأني اشتريت شقتين، وبعد سنتين لقيته بيكلمني وبيقولي عايز شقة علشان أجوز ابني وأول لما أطلع معاش هقسم فلوس المعاش بينك وبين ابني ونسددلك فلوس الشقة".

وأكمل: "أعطيت لأخويا الشقة، وبعد سنتين لقيته بيقولي اديني الشقة التانية علشان أجوز ابني التاني، فقلت له أنا اشتريتهم علشان يتأجروا ويكونوا ليا دخل، وبعد محايلة من أخويا أخد مني الشقتين ومدفعوش ليا أي أقساط".

ولفتت: "أخويا اللي أخذ مني الشقتين لما طلع معاش أصيب بسرطان الرئة وتوفاه الله بعد إصابته بالمرض بشهرين، وأولاد أخويا أخدوا الشقتين مني دون أن أحصل على فلوس".