بكاء نجوى كرم قبل حفلها في قلعة دمشق

"بكل الحنية والحب متل كأنه قلبها اسمه سوريا ولهفتي اسمها لبنان لأنها صادقة في حبها .." هكذا وصفت نجوى كرم لقاءها بالممثلة شكران مرتجى في كواليس حفلها بقلعة دمشق في سوريا.

تابعت نجوى  "فكركم رح إعرف احكي من كتر حبي وشوقي يلي حامليته معي من لبنان إلى سوريا".

نجوى التي دمعت عيناها على المسرح وهي تخاطب جمهورها بعد غياب لسنوات عن دمشق تابعت "صعب الحكي ..الا انه قلبي عم يتفجر لأني اشتقت لبلد قدرني وحبني وتوجني مطربة".

"لما شفت شكران عنجد بكيت"

وأيضًا تأثرت نجوى ودمعت عيناها بعد انتهاء الحفل وخلال لقائها مع الصحافة "لما شفت شكران عنجد بكيت واستقبلتني بكل الحنية والحب وكأنه قلبها كان إسمه سوريا ومثل كأنه لهفتي كان اسمه لبنان وقلت لها طلعي من وجهي ما قادرة بقى شوفك لأنه بعرفها قديش صادقة بحبها..ولما طلعت عالمسرح أخذني الحنين والذكريات لأهم المهرجانات والحفلات يلي عملتها بهذا البلد يلي ما بقدر بنساها".