الظهور الأول لمحمد يسري بعد تعرضه لجلطة في القلب

نشر الفنان الشاب محمد يسري عبر حسابه الخاص علي موقع الصور والفيديوهات انستجرام فيديو يطمئن فيه جمهوره على حالته الصحية بعد تعرضه لجلطة في القلب والخضوع لعملية قسطرة وتركيب دعامة في القلب.

صرح محمد يسري عن تفاصيل مرضة قائلا "أنا مبسوط إني بعمل الفيديو ده بالذات بعد التجربة اللي عديت بيها، والحمد لله إني قادر أطمن الناس، أنا تعرضت من أسبوع فجر يوم الأحد لوعكة صحية، حسيت بوجع شديد جدًا في صدري، وضغطي وطي جدًا وجسمي كان متلج، مكنتش أعرف ده إيه وكنت متخيل إنه حاجة وهتعدي، خاصة إن مفيش سبب إن ده يحصل ".

تابع محمد يسري كلامه قائلا قعدت شوية في البيت لأني للأسف مش شخص ممكن يروح المستشفى طواعية، ودي طبعًا كارثة، وبعد شوية ربنا ألهمني إني لازم أتحرك، وروحت المستشفى، الناس استقبلتني على طول، وكانوا متخيلين إن الدنيا تمام لأني دخلتلهم على رجلي، لكن بعد ما بدأنا نعمل فحوصات طلع عندي جلطة في الشريان الأمامي في القلب، والجلطة دي عملت شبه انسداد كامل في الشريان، فالدم مش داخل بسهولة، فاضطريت في ساعتها إني أعمل قسطرة وأركب دعامة في القلب، واتحجزت يومين في العناية المركزة، وبعدها يومين في غرفة عادية، وخرجت الحمد لله، قدر ولطف.

أكد محمد يسري أن وضعه الصحي أصبح جيد ومستقر، ووجه رسالة شكر لجمهوره وأصدقائه في الوسط الفني على دعمهم له.