هلا رشدي تكشف تفاصيل أزمتها الصحية الأخيرة

وقالت هلا رشدي، في بث مباشر عبر حسابها على "فيسبوك": "كنت متجهة يوم 14 مايو الماضي إلى إحدى الدول العربية، وأثناء هبوطي من الطائرة شعرت بشد عضل شديد في قدمي، واتجهت للفندق، مع استمرار الألم".

وتابعت: "روحت لدكتور من اللي هما سمكرية البني آدمين دول، وبرضو ما فدنيش بحاجة، وبعدين روحت تاني يوم لدكتورة نفس النظام، قالتلي عندي غضروف على وشك الإنفجار، وفضلت تضغط على أماكن معينة في جسمي، وفجأة الألم راح، وقررت أنام بقى، صحيت كنت هموت، رجلي الشمال وقفت، وأخدت ترامادول، ولا سكنّي، ولا عملي دماغ حتى".

واستكملت: "قررت أرجع مصر، وقولت أموت في بلدي، كفاية كده، وفعلا رجعت وعملت رنين مغنطيسي، ولقينا الغضروف انفجر، ونزل على العصب الشمال في رجلي، وقبل العملية بيوم؛ ناس كتير كلمتني، وده أكد لي إن ده آخر يوم في عمري".

وأضافت: "لما كنت في غرفة العمليات، أهلي بيشوفوا أخبار كتيرة، زي: وفاة هلا رشدي، وحاجات كتير من كده، بس الحمد لله، ولما صحيت شوفت المحلول اللي فيه الحاجات اللي طلعت مني في العملية؛ عرفت قد إيه البني آدم هين، وماعرفش ليه الناس بتظلم بعضها".

وكانت الفنانة هلا رشدي قد شاركت في دراما رمضان الماضي بالمسلسل الكوميدي "مكتوب عليا".

والمسلسل بطولة: أكرم حسني، عمرو عبدالجليل، هنادي مهنا، أيتن عامر، إسماعيل فرغلي، حنان سليمان، عزة لبيب، وعدد من ضيوف الشرف، ومن إخراج خالد الحلفاوي.