هاني شاكر: حمو بيكا كان زمانه في سجن طرة |فيديو

قال الفنان هاني شاكر نقيب المهن الموسيقية: "اللي اتعمل من دعم مع مؤدي المهرجانات حمو بيكا ما اتعملش مع حد لا حسن شاكوش ولا عمر كمال ولا أي حد من اللى بيغنوا أغاني المهرجانات".

وتابع خلال لقائه ببرنامج "مصر جديدة" المذاع على قناة "إي تي سي":"احنا جبنا مدرس مخصوص لـ حمو بيكا علشان مخارج الألفاظ والتركيز أنه يغني صح، راح مرة واحدة الدرس ومرحش تاني".

ولفت: "كل اللي بيعيط يبقى معاه حق، وحمو بيكا طلع بيدعى عليا في رمضان وهو مشافش مني غير كل خير ومعملتش حاجة تؤذيه".

وأشار:"حمو بيكا كان عليه حكم نهائي بالحبس سنتين لإنه اتهجم علي نقابة الموسيقيين وهدد بحرقها، وقبل التنفيذ علطول انا ومجلس النقابة تنازلنا عن القضية علشان ما يتحبسش، ولو نفذنا هذا الحكم كان زمانه لسه مسجون ومكنش طلع في التلفزيون وكنا عملنا معه الحوار في سجن طرة"

وتابع:"حمو بيكا والدته كلمتني كتير وقت ما كان هيتحبس وانا مفيش بيني وبينه حاجة ولكن الفن مش بالعافية ولا بالطيبة، وهو دخل الامتحان مرتين ورسب فيهم، هاعمل ايه تاني".