سعد الصغير : مبعرفش اغني وربنا كرمني عشان بتاجر معاه

وجه الفنان سعد الصغير رسالة لجمهوره، ناصحًا إياهم بالمتاجرة مع الله من خلال التبرعات أو غيرها من أعمال الخير، مشيرًا إلى أن سر الكرم الذي يعيش فيه هو المتاجرة مع الله.

وقال سعد الصغير في فيديو بث مباشر عبر صفحته الرسمية بموقع التواصل الاجتماعي فيس بوك: تاجر مع ربنا أنا مش بعرف أغني ولا أرقص لكن ربنا بيكرمني علشان بتاجر معاه.. واحد بقى بيشرب بيمشي مع حريم دي حاجة ودي حاجة.. انت مش عارف ربنا شايل إيه.. انت بقى بتاع ستات وبتشرب انت بتأذي نفسك لكن اوعى تأذي الغير.. أسأل مجرب وأنا مجرب بقى لي سنتين ما عملتش أغنية لكن بفضل التجارة مع ربنا شغالين 3 و4 أوردرات.

في سياق آخر، علق سعد الصغير على واقعة طالبة المنصورة، نيرة أشرف التي ذبحها زميلها باستخدام سكين، وسط الشارع أمام أبواب جامعة المنصورة، وأحدثت ضجة كبيرة، قائلًا: عمر ما حد بيحب حد يموته، الواد ده كان شارب حاجة، يا رب صبر أمها وأبوها، لو أنا هحاكمه مش هيكفيني فيه يتعدم، هو فيه حد بيحب حد يموته، في حد كده.

واستكمل: اوعى حد يقنعني إن الراجل ده كان في وعيه.. لو هي قالت له مش عاوزاك يسألها ليه ولو فيه عيوب يصلحها، أنا والله العظيم بروح أفراح بيفرقوا أكياس أي حاجة تتخيلوها في الدنيا وباخدها أرميها.. تموت عروسة كده لو بنتي وهيتشنق مليون مرة ناري مش هتبرد.