بعد اعلانها عن تعرض ابنة شقيقها للإختطاف .. بدرية طلبة تتراجع : اعتبروني مقولتش حاجة

تصدرت الفنانة بدرية طلبة، تريند جوجل، وذلك بعد تعرضها  للهجوم من قبل بعض متابعيها بعدما نشرت صورة لابنة أخيها وروت تفاصيل تعرضها للخطف، حيث اتهموها بمحاولة تصدر التريند، فحذفت المنشور من حسابها على موقع التواصل الاجتماعي "فيسبوك".

وقالت بدرية خلال المنشور: "والله ما كنت بصدق ومكانش ييجي على بالي أبدا إن دي حقيقة لكن حصلت لحد مني".

وأضافت: "اللي اتشكت دي بنت أخويا، وربنا ستر ورجعت بيتها بالسلامة، أمانة خدوا بالكم من بناتكم لأن واضح إن البنات الكبار هم السن المستهدف".

واختتمت بدرية حديثها: "شيروا على قد ما تقدروا علشان نوعي الناس، ده مش بوست منقول، دي صفحتي أنا بدرية طلبة ودي بنت أخويا".

وبعد أن حذفت بدرية طلبة المنشور السابق كتبت: "اعتبروني منزلتش حاجة طالما حتعدو تكدبوا وتناقشوا، أنا بوعيكم مش أكتر لأن حصل معانا فعلا ومقولتش تخدير كلى زي ما بتقولوا والبوست كان واضح واللي بيدخل على الخاص عايز التفاصيل أنا مش فاضية أقعد أشرح لكل واحد مش مصدق براحة راحتك والغريبة بقى اللي يقولك تريند!!! تريند إيه يا أبو تريند هو أي هبد وأى كلام".