ميار الببلاوى :"الحقوني يا ناس ابني بيموت بين ايدي"

نشرت الفنانة المعتزلة ميار الببلاوي علي حسابها الشخصي بموقع التواصل الأجتماعي الفيسبوك  منشور عن أنانية الناس وقالت "إيه ده إيه الدنيا دي إيه الناس دي إيه الواحد عايش في كوكب لوحده ملهوش حد ولا يفرق مع حد كلوا يالا نفسي ولو ليه مصلحة يعملك نفسه مروحة ولا ملوش متلزموش، دي كلمة ست طيبة لقتني ببكي في المسجد بتاع المقابر وقالتلي دموعك غالية وفريها الجايات كتير والله استغربت كلامها وكأنها بتأهلني للي جاي النهاردة".

تابعت ميار كلامها عن صحة ابنها قائلة "ابني من الصبح بيموت بين إيدي بيرجع وبيتلوي من المغص ودكاتره داخلة ومحاليل وحقن وأدوية وبكرة امتحانه الصبح لأنه في بكالوريوس ودي آخر مادة طبعا كده خلاص مفيش أمل إلا بمعجزة من عند ربنا لإنه رايح راس في راس والسخونية 40،  ألاقي حد حقير كلمني وبحكيله إن ابنى تعبان وبيموت من المغص وبيصرخ يطلب الطلب اللي هو عاوزه ويقفل".

صرحت ميار الببلاوي الي بعض وسائل الإعلام عن حالة ابنها وقالت الدكاترة قالوا إن عنده جرثومة ماسكه الأمعاء، وألمها صعب، والنهاردة الحمد الله بقى أفضل، وأخذ حقن كتير جدًا .

أكدت ميار إلى أن حالته غير مستقرة ولم تكن تسمح له بالذهاب لأداء امتحان آخر العام، ولكن أصدقائه كانوا حريصين على الذهاب معه إلى الامتحان.