تصريح صادم من غادة رجب عن زيادة وزنها

بعد فترة غياب طويلة دامت لأكثر من عام، منذ إنجابها ابنتها الأولى ليلى، تحدثت لبرنامج "كلام الناس" على mbc مصر عن الأمومة وزيادة وزنها خلال الفترة الحالية.

 قائلة: "الأمومة مسئولية كبيرة جدا بس ما قبل الزواج والأمومة كان بيتقال عليا تخنت وقتها لكن أنا فعلا حاليا تخنت طبعا بسبب الحمل والولادة".

وعن نيتها لعمل رجيم قالت غادة "أنا مسخرة حياتي لابنتي ليلى معنديش وقت أروح جيم أو نادي، هي أولى بالوقت والصحة والمجهود ده هي أولى بكل ده، وأكيد نفسي أخس بس لما يجي وقت الخسسان، واللي بيحبنى هيسمعنى ويشوفني على أي وضع واللي مش مبسوط يقلب القناة".

وتابعت "غيابي كان بسبب الولادة والأمومة ولكن الشغل الحلو هو اللي بيفرض عليكي التواجد، لكن أنا عندي أغاني كتير والفترة الجاية هتنزل، وفي حفلات غنائية كمان، بس حاليا مجهودي وصحتى بنتى أولى بيه لأنها لسة صغيرة وعندها سنة ونص".

وتحدثت غادة رجب عن علاقتها بالنجمة الراحلة دلال عبد العزيز، قائلة: "كانت بتقرالى قرآن وأنا بغنى و فى فرحى كانت بترقينى وعيشت فترة سيئة بعد وفاتها هى ورجاء الجداوى

وسمير غانم"، كما أنها تعتبر النجمة ميرفت أمين أمها الثانية، وقالت: فى يوم فرحى كانت بتوصى زوجى عليا وهى بتعيط".