بعد قرار وقفها عن التمثيل .. غادة ابراهيم: اشرف زكي بيكلمني أول واحدة لو زميل احتاج مساعدة

قالت الفنانة غادة إبراهيم، إن الدكتور أشرف زكي، نقيب المهن التمثيلية، لم يتحرَ الدقة في قرار إيقافها، والذي أصدره أمس بعد ما بدر منها خلال جنازة الفنان سمير صبري.

وأضافت غادة إبراهيم، أن الفنان أشرف زكي، نقيب المهن التمثيلية، كانت تربطهما علاقة صداقة قوية قبل توليه منصب النقيب، كما أنه ساعدها في كثير من المواقف: دكتور أشرف مش مجرد نقيب، إحنا اشتغلنا مع بعض، ومن بدايته لما كان سكرتير النقابة وقف معايا كتير جدًا، كان في ناس مش عايزة تديني عضوية النقابة وبتحاربني، وأشرف زكي اللي وقف معايا، وأصر إني أخد عضوية المجلس.

وتابعت غادة إبراهيم، أن الدكتور أشرف زكي، لم يتحرَ الدقة في قرار إيقافها على حد قولها: أنا أسفة إني بقول الكلام ده، ولكن لما يكون في أي زميل محتاج مساعدة، كان أول واحدة أشرف زكي بيكلمها أنا، ولكنه مرفعش سماعة التليفون عليا كـ زميل مش نقيب، علشان يسألني إيه اللي حصل؟، لم يتحرَ الدقة في قرار إيقافي علشان يرضي ناس ملهاش لازمة، ليه يا دكتور؟ ولكن في ربنا، وزي ما وكلت ربي في 2016 بوكل ربي دلوقتي.