اكرم حسني يكشف قصة الفتاة التي أعجبته ورفضت الزواج منه | فيديو

كشف الفنان أكرم حسني، خلال لقائه ببرنامج “حبر سري” المذاع على قناة “القاهرة والناس”، قصة الفتاة التي أعجب بها ورفضت الزواج منه.

وقال أكرم حسني: "شوفت مرة بنت شكلها عجبني جدا وكنت مخلص شغل فضلت ماشي لحد لما عرفت هي بتشتغل فين وجيبتلها بوكيه ورد كبير وانتظرتها وقلت لها أنا اللي جبت البوكيه وعملنا محاولات للارتباط وفي النهاية رفضت لأسباب تخصها".

ولفت: "مرة كنت رايح فرح ولابس بدلة ومتشيك فلقيت عربية جنبي فيها بنتين وعاملين يشورولي فأنا قلت البدلة عاملة شغل وخطفت عقلهم فلقيتهم بيقولوا لي اركن، ولما ركنت العربية لقيتها بتولع فنزلت لقيت خرطوم البنزين اتقطع وحد كان مولع سيجارة فولعت في البنزين والنار مسكت في العربية كلها.

وكشف الفنان أكرم حسني، في نفس اللقاء حقيقة ما تردد عن وجود خلاف بينه وبين الفنان أحمد فهمي، مؤكدًا: "الثنائية مع أحمد فهمي لم تنته واحنا بنحب الشغل مع بعض لإن بيجمعنا كيميا، ولو فيه فيلم أو أدوار هتكون إضافة لينا احنا اتنين هنشتغل تاني مع بعض فوار".

وتابع: "أحمد فهمي هو أخويا وحبيبي وصاحبي وأحب أشتغل معاه طول الوقت".

وأضاف: "لما الكيميا بتتوجد مع أي فنان بنشتغل على طول في أي عمل فني سواء سينمائي أو درامي".