طوني خليفة: برنامجي في مصر كان صانع فتنة.. وهذه نصيحة صباح لي | فيديو

كشف الإعلامي اللبناني طوني خليفة، عن نصيحة الفنانة الراحلة صباح، قبل قدومه للعمل في مصر، مؤكدًا: "قالتلى بلبنان بيلفظوك وفي مصر راح يحضنوك".

وتابع خلال لقائه ببرنامج "العرافة" المذاع علي قناة "المحور": "صباح قالتلي في كلامها ليا إن مصر هي اللى عملت منها نجمة مشهورة".

وأضاف:"بناءً على نصيحة صباح جئت علي مصر وشوفت مصر اللى حضنتني وغمرتني وفعلا اللى بيشري من مياه النيل مبيقدر الا لما يرجع للنيل ودى بجد حسيته لما رجعت لمصر بعد 7 سنين".

وأكمل: "مصر لا تلفظ بل تحضن، ومن يستحق حضنها تحتضنه أما من يطعن في حضنها فمصر لا ترحم".

وأوضح:"تجربتي الإعلامية في مصر مكملتش لأن البلد كانت لازم تقف علي رجليها وانا واحد من اللى كانوا لازم يمشوا لأننا لما عملنا برامج في مصر كانت البلد في حالة فوضى وبرامجنا مكنش ينفع تكلم تاني لأن البرنامج كان صانع فتنة ايجابا، ونحن أسقطنا أقنعة عن وجوه كتير كان يجب أن تسقط هذه الأقنعة في هذه الحقبة ولكن عندما تلك الحقبة كان المفروض مصر ترجع زي ما نعرفه".