حنان مطاوع: كنت بخبي على الناس اني بنت كرم مطاوع واشتغلت من اولى جامعة

تحدثت الفنانة حنان مطاوع خلال حوارها مع الإعلامية اسما إبراهيم في برنامج "حبر سري" المذاع على قناة القاهرة والناس عن أول عمل لها وقالت أنها بدأت الحياة العملية مبكرا بسبب الإحراج من طلب المال "أنا كنت بشتغل علشان مكسوفة اطلب من ماما فلوس، مينفعش ابقى أطول منها وعيب اقولها عايزة اجيب هدية لصحبتي كنت بترجم بالقطعة وكانت فلوس قليلة لكن بتعزني وهي كانت بتسأل ليه المصروف اللي بديهولك مش بيخلص فكنت بقولها علشان أنا اللي المفروض اقف جمبك" وتابعت "لما بتعرف على حد بتكلم معاه عن نفسه لكن لو الشخص دة ابن حد معروف هتكلم عن اهله ودة لحد سنه صغير ممكن يفقده ثقته في نفسه لكن دلوقتي لو اتكلمت العمر كله عن اهلي مش هشبع لكن مع واحدة عندها 8 سنين أو 12 سنه هيحتاجوا يحسوا أنك معجبة بيها لنفسها مش لاهلها" وأضافت "كنت عايزة ابقى زي أي واحدة الناس بتتكلم معاها عن نفسها"
وذكرت ترشيحها لتقديم دورا في فيلم "سهر الليالي" والذي عرض عام 2003 وشارك في بطولته منى زكي، فتحي عبد الوهاب، أحمد حلمي، شريف منير، علا غانم وغيرهم نخبة من النجوم سهر الليالي اتعرض عليا بس مكنتش واحدة من البنات كنت صغيرة اوي هاني خليفة كان عايزني اعمل دور انتصار اللي هو واحدة بريئة وصغيرة اوي وتعمل دور فتاة ليل اكيد انتصار الطف مني وكانت سكر والفيلم حلو وكل البنات اللي كانوا فيه وتامر حبيب وهاني خليفة
 يذكر أن حنان مطاوع تشارك في الموسم الرمضاني الحالي بمسلسل "وجوه" مع محمود عبد المغني، هالة فاخر، نورهان وغيرهم نخبة من النجوم.