هالة سرحان: حسن شاكوش النسخة الشعبية من حسين الجسمي

كشفت الإعلامية هالة سرحان عن رأيها في أغاني المهرجانات خلال حوارها مع اسما إبراهيم في برنامج "حبر سري" المذاع على قناة القاهرة والناس قالت هالة سرحان "المهرجانات هي إفراز مجتمع جديد، الجيل دلوقتي بينهم 10 سنين وشوية وهيببقى سنتين فالتغيرات الاجتماعية بيفرز فنون وفي أمريكا افرز الهيب هوب والراب وغيرهم" وتابعت "الشعوب بتنقل عنهم واحنا صابنا من الحب جانب وفيها نقلة فنية وكارثة فنية يعني حسن شاكوش عنده نبرة العالية في الغناء وبيقولوا مبيعرفش يغني وهو النسخة الشعبية ولما قالوا كلمات لطيفة واعجاب ببنت الجيران لانه لسة عنده بنت جيران ودة مجتمعه" وأضافت "المجتمع المصري كله بيرقص على اغانيهم وسمعتها في أرقى الحفلات والافراح لأنه ايقاع مصري وانا مش عايزة مجتمع الرفض لكل حاجة لكن ارفض التحريض وفي ناس يستاهلوا القبض عليهم" واختتمت كلامها مؤكدة على أن المهرجانات سوف تختفي مع الوقت على عكس علامات الموسيقى مثل محمد فوزي وغيره".
يذكر أن هالة سرحان تحدثت عن كواليس فيلم "يا أنا يا خالتي" مع محمد هنيدي وقالت "هنيدي ده عسل، أول مرة اشوفه كان في مسرحية خشب الورد وكان عامل دور صغير لكن قلت أنه فنان كوميدي لذيذ وجبته في البرنامج" وتابعت "وقالولي أن الخالة نوسة عايزين يسجلوا وأن أنا هحاور الخالة نوسة وبدأ يتكلم معايا وحسيت أن نوسة اللي بتتكلم مش هنيدي وقعدنا نتكلم كتير من 8 بليل ل5 الصبح علشان ضبط الأضاءة في الاستوديو وكان بيتكلم كأنه الخالة نوسة".