نهلة سلامة: "نجمة الإغراء" ليست تهمة وسأعلن زواجي قريباً

استضافت الإعلامية راغدة شلهوب، الفنانة نهلة سلامة وتحدثت عن حياتها الفنية خلال برنامج "سابع سما" المذاع على قناة النهار قالت نهلة سلامة "اختياراتي مكنتش مظبوطة في بداية حياتي وهي اللي بتحدد الحياة فلما بتكوني صغيرة ومعندكيش خبرة بتختاري غلط" وردت على سؤال راغدة شلهوب حول حصرها في أدوار الإغراء "اعتقد اني مش النجمة الوحيدة اللي عملت ادوار إغراء وانا عملتها بدون ابتذال وفي السياق الدرامي ومن غير استخدام للملابس"
وتابعت "ولما حسيت أن المخرجين عايزين يحصروني في الادوار دي بدأت اغير في ادواري ومشتغلش ادوار شبه بعض، والإغراء ليس تهمة أنا ممثلة" وأضافت "أنا دايما بقول أن الحب الأخير هو الحب الحقيقي وانا مقدرش اعيش من غير حب، وانا مش مؤمنة بأن الزواج ينهي الحب فالست والراجل لما بيتجوزوا بيكونوا بيحبوا بعض وانا مقدرش استحمل حد احس أنه مش بيحبني وهيكون في زواج قريب من شخص خارج الوسط الفني"
كما تحدثت عن اعتزال بعض الفنانين وقالت: "أي حد عايز يعتزل الفن مش لازم يشوه الفن أنا لو هعتزل هعتزل مع نفسي ومش هشوه في المهنة ولا زمايلي ودة رأيي ومش عن أدهم النابلسي بالذات يعني مثلا حلا شيحة هي مثلت معايا في الوقت اللي كانت بتتحجب فيه وانا كنت معجبة بيها لانها قدرت تقاوم نفسها في السن دة"
 يذكر أن نهلة سلامة شاركت في مسلسل "نقل عام" مع محمود حميدة، سوسن بدر، سميحة أيوب وغيرهم نخبة من النجوم.