محمود عبد المغني: سوء تفاهم مع منتج قعدني في البيت 5 سنين

حل الفنان محمود عبد المغني ضيفا على الإعلامية ياسمين عز في برنامج "كلام الناس" المذاع على قناة MBC مصر وتحدث عن سوء تفاهم من أحد المنتجين تسبب في مشكلة له قال محمود عبد المغني "في انطباع بيتاخد في 5 دقايق يتشال في 5 سنين، ممكن في يوم حصل حاجة ومضايقاك وحد اخد انطباع يتشال في 5 سنين بعد فيلم مقلب حرامية كان في حاجات مغلوطة وبدون ذكر اسماء حصل سوء تفاهم قعد فوق الخمس سنين علشان يتفهم الصح وانا عزيز النفس لكن الناس ممكن تفهم أنها استعلاء" وأضاف "ولكن المشكلة انتهت واشتغلت مع الشخص اللي كان في خلاف وهو مش ممثل واحنا صحاب وهو فهم بعد كدة حقيقة سوء التفاهم ولكن بعد 5 سنين وهو منتج وانا بحبه جدا" وتابع "في ناس ولاد حلال بيزودوا المشكلة، وبيحصل في كل مهنة أن النجاح بيسبب غيرة لكن أنا مقاتل ولو وقعت بقوم تاني وببدأ من أول وجديد".
كشف الفنان محمود عبد المغني عن ترشيحه لبطولة مسلسل "ابن حلال" قبل محمد رمضان وقال أنه نادم على رفضه لتجسيد شخصية "حبيشة" كان معروض عليا ابن حلال وفي فترة عملت فيها شيخ العرب همام وبعده المواطن اكس وبعده طرف تالت وبعده الركين فكنت عايز اجازة اشوف ولادي وبيتي وابني كان لسه مولود"
يذكر أن محمود عبد المغني يشارك في الموسم الرمضاني بمسلسل "العائدون" وهو من بطولة أمير كرارة، أمينة خليل وغيرهم نخبة من النجوم، كذلك يشارك في مسلسل "وجوه" مع حنان مطاوع نخبة من النجوم.