شريف الدسوقي يتحدث لأول مرة عن حياته بعد بتر قدمه وتركيب الطرف الصناعي

أجاب شريف الدسوقي عن سؤال مذيعة برنامج سابع سما المذاع على قناة النهار: إزاي تقبلت جسمك بعد البتر واتعاملت بالطرف الصناعي؟ قائلًا: "سؤال صعب وقفت أمامه منذ فترة، أنا تقبلت نفسي والموافقة على بتر جزء من جسمي ربنا عداه عليَّ في لمح البصر".

 وتابع: "لما رحت للفني اللي هيوفر لي الطرف الصناعي اللي هعيش بيه بعد ما قعد يحكي معايا ساعتين ونصف بيقنعني إزاي هيبقى عندي طرف صناعي وإزاي هعتاد عليه، لقيته رفع بنطلونه ولقيته مركب طرف صناعي، وفي اللحظة دي قلت لنفسي دا قدر جميل من ربنا وشئت أم أبيت كانت كل الأقدار بتقول إني هاروح للحظة البتر".

وأضاف: "فيه لطف خفي خلاني أستقبل عملية بتر جزء من جسمي بصبر وطول بال وبإرادة وفكرة تركيب طرف صناعي مش أمر سهل، وهناك تدريب قاسي جدًّا في العلاج الطبيعي علشان أعرف اتعامل مع الطرف الصناعي".

ولفت شريف الدسوقي: "فاكر لحظة البتر وكل اللي كانوا جايين يزوروني كانوا زعلانين وأنا كان دوري أغير حالتهم النفسية، وكنت بضحك وأهزر وكلهم كانوا مستغربين من تحملي وصبري".