عفاف راضي عن سر جمالها: عمري ما سهرت ولا شربت سجاير

قالت الفنانة عفاف راضي: "أنا زي كل الناس باكل جبنة الصبح وأشرب نسكافيه، وبمارس حياتي بشكل طبيعي جدا، وبحاول بقدر المستطاع الحفاظ على وزني وعدم زيادته".

وعن سر حفاظها على جمالها مع كبر السن، أكدت عفاف راضي خلال لقائها ببرنامج "كلام الناس" المذاع على قناة "mbc مصر": "عمري ما فكرت أعمل عمليات تجميل، ومليش في السهر ولا شرب السجاير ومش ميالة للحاجات دي، وأنا في الغالب هادية ومريحة، وأقدر أتعامل مع كل الشخصيات ولكن لما بزعل بكون عصبية".

ولفتت: "أنا مش راضية عن تصرفات بعض الفنانين دلوقتي، وزمان طلع عبد الحليم حافظ وكان عيان وشرب مياه علي المسرح الصحافة بهدلوه ومسبتهوش ازاي يشرب مياه وهو علي المسرح دلوقتي بنشوف حاجات غريبة من الفنانين واللى بيغني المفترض يغني بس وميتكلمش عن حياة الشخصية".

وكشفت الفنانة عفاف راضي، في وقت سابق، كيف أقنعها الشاعر الراحل سيد حجاب والموسيقار عمار الشريعي بخوض تجرِبة عمل ألبوم غنائي للأطفال.