غادة عبد الرازق: حفيدتي نسخة مني لما كنت في سنها

تحدثت غادة عبد الرازق عن علاقتها بابنتها وأحفادها خلال حوارها مع الإعلامية ياسمين عز في برنامج "كلام الناس"قالت غادة عبد الرازق "بليل ببقى معاهم طفلة وبنجري ورا بعض في البيت وبيخلوني اصورهم وبيصوروا فيديوهات تيك توك وبليل بيجو يحضنوني ويطبطبوا عليا"
وعن رغبة حفيدتها للتمثيل " خديجة قالتلي صاحبتي بتحبك وعايزة تيجي تشوفك وهي بتحب التمثيل وقلتلها اوعدك لو السنة الجاية عندي شغل وفيه طفلة هاخدها" وتابعت "بس لو قالت كدة ممكن تبقى عايزة تمثل وهي نسخة مني وانا في سنها"
وعن سبب انجاب ابنه واحدة قالت "روتانا عندها اخوات من بباها لكن عمرها ما سالتني ليه هي وحيدة وانا كنت ليها الأم والأب وكل حاجة"
تابعت عن وفاة الفنان خالد صالح قائلة "أنا بعتبره زي خليل اخويا الله يرحمه ومن الحاجات اللي زعلتني أنه كان في المستشفى وانا كنت مسافرة تاني يوم بفتح الموبايل لقيت خبر وفاته مهما اتكلمت عليه مش هديله حقه وزعلت اني مسلمتش عليه، هو انسان محترم وجدع ولو قعدتي معاه تحكي عن مصر كلها فهو لا يرى لا يسمع ولا يتكلم"
يذكر أن غادة عبد الرازق تغيبت عن الموسم الرمضاني الحالي، عرض لها العام الماضي مسلسل "لحم غزال" مع نخبة من النجوم من بينهم مي سليم، شريف سلامة وغيرهم.