هادي خفاجة يعتزل التمثيل بسبب موقف محمد سعد تجاهه

في خطوة غير متوقعة، قرّر الممثل الشاب هادي خفاجة، الذي لا يزال في الخطوات الأولى في مشواره الفني اعتزال التمثيل نهائياً، بسبب موقف غير لائق من الفنان محمد سعد تجاهه.

وشرح هادي خفاجة تفاصيل ما حدث عبر حسابه على فيس بوك قائلاً: "قررت أنا هادى خفاجة اعتزال التمثيل نهائياً في مصر وده بسبب الموقف اللي أنا هاحكيه هو موقف في قمة قلة الذوق اللي في الدنيا جاتلى مكالمة الساعة ١٢ بليل أن محمد سعد عايزنى في تصوير في حلقة من برنامج "وش السعد" اللي هيا كانت النهارده و انه عايز يقعد معايا طبعاً لبست وروحت له الساعة ١ بليل كان موجود الكاست كله ونجوم الحلقة ايتن عامر ومنه عرفه وعملنا بروفة واتفقت مع مدير الإنتاج والملابس وكل حاجه وأستاذ سامح عبد العزيز المخرج قعدت معاه وأتكلمنا عن الشخصية واتفقنا أن التصوير بعدها بيوم".
وأضاف هادي قائلا: "خلصت كانت الساعة ٤ الفجر روحت البيت نمت و صحيت استعديت نفسياً إن رايح التصوير و حفظت السيناريو كان المعاد الساعة ٥ المغرب لقيت اتصال وأنا في الطريق الساعة ٤ العصر من واحد من مساعدين الإخراج بيقول لي أستاذ هادى إحنا اجلنا الاسكتش بتاع حلقة حضرتك و هنكلمك نقولك امتى التصوير أن شاء الله".
وأكمل الممثل الشاب قائلاً: "افتح Mbc Masr من شويه ألاقي الاسكتش بتاعى أتصور بممثل تانى طب ليه اللف والدوران الحمد لله تاريخي مش هيقف على حلقه بس موضوع تقدير أنا حبيت أحكى لأني وسط حاجات كتير حصلتلى مكنتش مستحمل حركه زى دى وبكرة بإذن الله هاكون في نقابة المهن التمثيلية وهاسلم أستاذ اشرف ذكى عضوية النقابة لأنها متلزمنيش في شئ دلوقتى بس بجد كفايه تدمير في المواهب وإحباط في الناس لان الوسط بجد أصبح عن عصابات تتحكم فيه .. وان شاء الله هاكمل مستقبلي الفني في دولة تانيه بتقدر الإنسانية قبل المواهب والمجالات وده قرار نهائي بجد بيني وبين نفسي مش هرجع فيه ."
ويعد الممثل هادي خفاجة من الوجوه التي اكتشفها الفنان محمد صبحي وقدمها وهو طفل بمشاركته في شخصيته ابنه في مسلسل "يوميات ونيس" مع الفنانة الراحلة سعاد نصر.

اقرئي أيضاً:

شريف سلامة يقع في شباك ممرضة

في حوار بين جيلين: النجمة سوزان نجم الدين و"محبوب العرب" حازم شريف

فستان ميريام فارس يستفز متابعيها: لم تحترم أمومتها