سهير رمزي : أجهضت 3 مرات بسبب حبي للفن.. وأتبنى أطفال وأراعيهم عن بعد

قالت الفنانة سهير رمزي، إنها تأثرت كثيرًا بوفاة والدتها، والتي كانت تمثل لها كل شيء في الحياة، مشيرة إلى أنها لا تستمع بأي شيء من بعد رحيلها.

 وتابعت سهير رمزي في تصريحات تلفزيونية: أمي كانت كل عيلتي، روحي وحبي الأول والأخير، كنت بحب أسافر كتير كل حاجة افتقدتها بعد وفاتها وملهاش طعم.

وأما عن عدم إنجابها حتى الآن وإجهاضها أكثر من مرة، قالت سهير رمزي: كنت حابة الشغلانة أوي، وإحساسي أني هقعد حامل 9 شهور ومافيش شغل وبيبي هيقعد سنتين عشان يقدر وكده هضيع 4 سنين من عمري مبشتغلش، النجومية بتسرق كتير من عمر الفنان اللي بيحب شغله، ودلوقت بستعين بالقطط دلوقت، كان عندي 30 واحدة ودلوقت بقوا واحدة، ومبقتش قادرة على تربيتهم.

وأضافت الفنانة سهير رمزي، أنها لم تفكر من قبل في تبني أحد الأطفال، قائلة: ممكن أتبنى حد بس في مكانهم وبراعيهم من بعيد، لأن دي مسؤولية مش سهلة، وكنت شايلاها من دماغي.

وأوضحت رمزي أنها أجهضت 3 مرات، بسبب حبها الشديد للفن، مضيفة: كنت بتحرك كتير والحياة سرقتني وأنا اتسرقت في الشغلانة دي، فكرت بين يوم وليلة في الاعتزال عشان شفت أن في حياة تانية، دايمًا بحاسب نفسي.