عمرو اديب: أنا بحسد عمرو دياب من سنة 95 وهو حاجة لا يصدقها عقل | فيديو

علق الإعلامي عمرو أديب، على إعلان عمرو دياب في شهر رمضان وممارسته للرياضة، قائلًا: "عايز أكون زي عمرو دياب مش محمد صلاح، وأنا بنق على عمرو دياب من سنة 95، وهو الوحيد اللي يقف يغني 60 أغنية ورا بعض".

وقال خلال برنامج "الحكاية" المذاع على قناة "إم بي سي مصر": "مفيش مطرب في العالم العربي يقدر يغني 60 أغنية ورا بعض وهو واقف، فعمرو دياب هو المرحلة الثانية بعد الراحل عبد الحليم حافظ، فالهضبة عصفور حر طليق بيعمل اللي هو عايزه".

وأضاف: "بعد 10 سنين عمرو دياب هيطلع في إعلان ومعه حفيده والاتنين هيكونوا بيجروا في النفق، ولو كنت موجود هفكركم، فعمرو دياب لديه صلاحية لا تنتهي، والناس كلها مذهولة من عمرو دياب".

وأوضح: "أنا نفسي أشوف أصدقاء عمرو دياب اللي كانوا معه في الفصل ونقارن بينهم بس في الركب، فعمرو دياب عنده كل حاجة حتى الحب، وعمرو دياب حاجة لا يصدقها عقل".

 يذكر أنه منذ إذاعة إعلان النجم عمرو دياب في أول أيام شهر رمضان حيث ظهر بحلة شبابية وحيوية ـ يتساءل الكثير عن السر وراء ذلك، ويغفل البعض أن اتباع العادات الغذائية الصحية هي أهم سبل الحفاظ على لياقتك ونشاطك، مع عدم الإفراط في الطعام.